Pagpangkastigo ang nangin tunaan sa kamatayon ni Pearl Joy Galve base sa resulta sang autopsy examination sa bangkay sang biktima nga ginpatigayon sadtong Agosto 15, matapos nga siya ang nasapwan nga wala na sang kabuhi sadtong Agosto 14 sa tunga sang kampo sa Hacienda San Roque Barangay Cubay sa ciudad sang La Carlota.
Ginkompirmar ni Police Lieutenant Colonel Lymel John Pasquin, hepe sang La Carlota City Police Station nga Blunt Force Trauma ang cause of death sang dalaga.
Nakita sa resulta nga may mga injury sa ulo, liog, dughan, tiyan, hawak, sa mga kamot kag tiil si Galve.
May pagpanguga man sa biktima rason nga siya ang gindulaan sang kabuhi sa nagluntad nga krimen. Indi pa makompimpar ni Plt. Col. Pasquin kun ang biktima ang ginlugos apang may posibilidad nga sexually assaulted si Galve.
Ginalantaw sa karun sang mga kapulisan nga may kaakig sa biktima ang mga suspetsado sa amo nga krimen. Padayon ang imbestigasyon sang mga kapulisan sang La Carlota CPS kag pagtipon sang ebedensiya nga makatudlo sa mga suspetsado. (INSERT VC PLT COL. LYMEL JHON PASQUIN)
