Isa sa mga pinaka sagrado nga butang sa kalibutan amo ang kasal.
Apang, ano bala dapat kadalom ang pagpalangga-anay kag pagkilalahay sang duha ka tawo antis ang mga ini magdisider nga mangin isa?
Nagbulagay ang isa ka mag-asawa sa Kuwait, tatlo ka minutos matapos ang mga ini ginkasal.
Ini ang ginbansagan pa sang mga foreign news outlet bilang “probably the shortest marriage” kag “fastest divorce case.”
Base sa mga report, nagpakasal ang mga ini sa isa ka korte sa Kuwait sa diin nagbayluhanay man ang mga ini sang ila matam-is nga “I do’s.”
Problema lang bangud sang ila paggwa sa pwertahan sang venue, hinali lang nasandad ang bride.
Diri nag tawa ang iya nga partner kag nagsiling “buang,” bilang expression.
Gilayon nanginit ang babayi kag nagbalik sa sulod sang courthouse sa ini nga mga tinion, ginpangabay sini sa hukom nga kanselahon na lang ang ila kasal.
Bangud seryoso ang babayi pag-ayo sini sa hukom, wala na ang mga ini sang may naubra pa kundi magsugot nalang kag nagpaguwa sang divorce decree tatlo ka minutos pagkatapos nila kasal.
