Nagahulat sa karon sang senyales si Monico O. Puentevella gikan sa iya nagtaliwan nga asawa kon ini ang magapadalagan congressman sang Bacolod sa 2025.
Sa interview sang DYHB sa anay alkalde kag kongrsista sang Bacolod, iya ginpahayag nga padayun ang iya pagpangamuyo kag senyales gikan sa iya nagtaliwan nga asawa nga si Josefa “Patching” Puentevella.
Suno sa anay congressman nga dapat may naga-unong kag nagabulig kay Bacolod City Mayor Albee Benitez sa pagpamalakad sini sa ciudad.
Dugang pa ni Puentevella nga dapat magahod ang kinahanglan nga yara sa kongreso kag indi ang nagahipos-hipos lang agud makabulig ini sa alkalde sa mga dapat ipatuman para sa pumuluyo sang Bacolod.
Pananglitan naman makadesisyon si former Mayor kag Congressman Bing Leonardia nga magpadalagan man sa eleksyon, ginpahayag ni Puentevella nga indi ini magkontra diri. Dugang pa sini, maayo na ang ila karon relasyon ni Leonardia.
