Dako ang pagpati sang National Bureau of Investigation (NBI) Bacolod City nga ginhal-id lamang si Pearl Joy Galve sa tunga sang kampo sa Hacienda San Roque Barangay Cubay sa ciudad sang La Carlota kag indi sa amo nga lugar nagluntad ang pagpamatay sa biktima.
Santo sa pahayag ni Manuel Fayre Jr., Chief sang NBI- Bacolod City nga posible “after thought” lamang ang pagpatay sa biktima.
Apang indi pa masiling sa karun kun sa ciudad sang Bacolod ukon sa diin nga lugar ginhimo nga pagpatay kay Pearl Joy.
Sa nagapadayon nga pagpangusisa kag imbestigasyon sang NBI, nagapati ang amo nga talatapan nga may kahilabtanan ang step father sang biktima nga si Rene John Nacis bangod siya ang ulihi nga nakita nga upod ang iya manak antes ini ma-missing kag masapwan nga wala na sang kabuhi.
Samtang una naman nga ginpahayag ni Fayre kahapon nga posible man nila kasuhan sang child abuse ang iloy ni Pearl Joy nga si Jennifer bangud sang limitado nga impormasyon nga ginahatag sa mga otoridad.
