Madamo sa aton ang nanamian gid magkaon sang street food, wala labot sa barato ini, madamo sa ila nga mga baligya ang ginabalik-balikan gid bangud sang manamit sini nga sabor.
Kilala ang pungsod Thailand sa authentic nga mga streetfoods sini kag sa karon, nagatrending naman ang ila ginatawag nga Goon Ten, ukon Dancing Shrimp.
Ang ini nga mga live freshwater shrimp ang literal nga nagatumbo sa pinggan samtang buhi nga gina-marinate.
Ang ini nga hipon ang ginatimplahan sang tinuktok nga katumbal, lime juice, fish sauce, mint, sliced shallots, kag tanglad.
Agud mas nanam pa ang imo pagkaon sini, mas namit kun parisan ini sang pilit nga kan-on.
Pahayag sang mga nakatilaw sini nga crunchy ini kag manamit gid man matuod ang sabor.
