Nabatunan na ni Rene John Nacis, step father ni Pearl Joy Galve ang subpoena nga ginpadala sang National Bureau of Investigation- Bacolod City, adlaw sang Huwebes, Agosto 29.
Base kay Manuel Fayre, Chief sang NBI-Bacolod, ipatawag sa Agosto 30, Biyernes nga adlaw si Nacis para makuhaan sang impomasyon natuhoy sa kaso nga pagkadula kag pagkapatay sang iya nga manak.
Ginpadala ang subpoena kay Nacis, matapos nga naghatag na sang impormasyon ang iloy sang biktima nga si Jennifer Galve natuhoy sa kaangtanan sa kaso sang live-in partner.
Ginkalipay ni Fayre, ang amo nga development sang kaso agod ini ang masolbar kag mahatag ang hustisya para sa biktima.
Samtang kahapon, ginpahayag ni Jennifer Galve, iloy ni Pearl Joy, nga nakabaton ini sang pamahog gikan kay Nacis. Suno kay Fayre, nagsugid na sang kamatuoran si Jennifer natuhoy sa kaangtanan sang live in partner sini nga si Nacis natuhoy sa pagpatay sa iya nga bata.
Nagpangduha-duha nga magpanugid si Jennifer natuhoy kay Nacis bangod nakabaton ini siya sang pagpamahog nga pagapatyon, antes pa man masapwan nga wala na sang kabuhi si Pearl Joy sa ciudad sang La Carlota sadtong Agosto 14.
