Nagpangin-wala si Rene John Nasis nga may kahilabtanan sa pagpatay sa iya manak nga si Pearl Joy Galve nga nasapwan sadtong Agosto 14 nga wala na sang kabuhi.
Base sa pahayag ni Nasis, wala siya sang kahilabtanan sa pagpatay sa iya nga manak kag wala pa ini sang ihibalo kun sino sa likod sa amo nga krimen.
Suno sa iya, wala man ini sang may gina-protektahan ukon kakilala nga posible may kahimuan sang krimen.
Ginpanginwala man ni Nasis nga iya ginpahog nga pagapatyon si Jennifer Galve apang iya ini ginsiling nga ang kerido sini ang pagapatyon kag indi ang live-in partner ukon miyembro sang ila nga pamilya.
Samtang ginpahayag ni Manuel Fayre Jr., Chief sang National Bureau of Investigation- Bacolod City, nga limitado pa katama ang mga impormasyon nga ginahatag ni Nasis kag kaangay nga may ginatago.
Nagdesisyon naman ang CIDG-Bacolod City, nga indi na pa pagpahanugutan si Nasis nga magtinir pa sa ila.
Handa man si Nasis nga mangin testigo sa kamatayon ni Pearl Joy.
