Nagsaulog sang ila golden founding anniversary ang Negros Occidental Police Provincial Office (NOCPPO) subong nga Biyernes, Agosto 30, 2024, nga ginhiwat sa Kanlaon Hall, Camp Alfredo Montelibano Sr.
Yara sa ginpatigayon nga seremonya si Governor Eugenio Jose V. Lacson, PCOL Rainerio M De Chavez, Provincial Director, Pastor Celino P Villarete, Chairman kag mga miembro sang NOCPPO Provincial Advisory Group Police Transformation and Development (PAGPTD), NOCPPO Command Group, mga opisyales kag tinawo sang talatapan sang kapulisan sa probinsya.
Sa ginpatigayon nga programa, ginsaysay ni retired Judge Gorgonio Ybaňez ang maragtas sang NOCPPO halin sang pagtukod sini.
Ginpanginbulahan naman ni Governor Lacson ang provincial police kag nagpasalig sa iya padayon nga suporta sa pwersa sang Philippine National Police (PNP). | DYHB News
