Nakuha sang suspek ang ₱17,000 cash kag ATM card sang ginsulod sini ang pasalubong center sa Yulo Street, Barangay Santo Rosario, Binalbagan, Negros Occidental.
Las-6:19 sang aga kahapon sang nadiskubrehan sang supervisor nga si Kesha Marie Palma, 29-anyos kag tatlo pa ka upod sini sa trabaho nga ginkawatan na ang ila gina-obrahan nga Merzci Food and Products.
Base sa inisyal nga imbestigasyon kag kuha sang CCTV sang kaingod nga building, isa ka suspek ang nagsulod sa establisyimento paagi sa pagguba sang atop sang banyo. Sang nakasulod na ang suspek, nabuksan sini ang vault sang casher sa diin nakuha sini ang cash kag ATM card.
Sa inisyal nga pag-usisa, ginkilala ang suspek nga si alyas Dodong kag at-large sa karon. | DYHB News
