Nagapanindugan si Rene John Nasis, stepfather ni Pearl Joy nga wala siya nagapamahog sa iloy kag live-in partner sini nga si Jennifer Galve.
Sa panaysayon ni Nasis, iya gin pahayag nga wala siya malain nga intensyon kay Jennifer kag sa ila kabataan bangud palangga niya ang mga ini.
Ginklaro man ni Nasis nga kun nakasiling man siya nga may pagapatyon, indi si Jennifer ang iya ginatumod kundi ang gina-alegar lalaki pa gid sini.
Dugang pa ni Nasis nga mismo si Jennifer ang nag-ako nga may iban pa in inga lalaki.
Madumduman nga una na ginpahayag ni Jennifer nga wala ini makahatag dugang nga statement sa kamatayon ni Pearl Joy bangud nakabatun ini sang gina alegar pagpamahog halin kay Nasis. | DYHB News
