WORLD NEWS- Duha ka mga persona patay sa Yokohama City sa pungsod Japan matapos nga naglumpat ang 17-anyos nga high school student sa isa ka shopping center kun sa diin iya nahulugan ang isa ka 32-anyos nga pedestrian nga yara sa idalom kaupod sang iya mga abyan.
Ginhingagaw dala sa ospital ang duha ka mga biktima apang una nga nagtaliwan ang 17-anyos matapos ang isa ka oras, apang maka-ligad ang pila ka oras, nadulaan man sang kabuhi ang 32-anyos.
Wala pa mahibulan kun ano ang rason sang estudyante sa pag-utas sang iya kaugalingon nga kabuhi, apang base sa opisyal nga statistics masami nga naga-utas sang kabuhi ang yara sa 18-anyos panubo ang edad sa nauna nga adlaw sang Setyembre antes ang panibag-o nga pagbukas sang klase.
Santo sa rekord, nagdangat sa 513 ka mga kabataan ang nag-utas sang kaugalingon nga kabuhi sang tinalikdan nga tuig bangod sa problema sa pag-eskwela.
