Napulo ka mga incumbent councilors sa ciudad sang Bacolod ang malakip sa line up sang Team Asenso ni Mayor Albee Benitez sa 2025 elections.
Ini ang gin-anunsiyo sang alkalde paagi sa iya spokespersyon nga si Atty. Caesar Distrito. Ang duha ka nabilin nga slots para sa konsehal ang ipaagi sang Team Asenso sa convention nga patigayunon, simultaneously sa 61 ka mga barangay sa Setyembre 15, 2024.
Ang luyag magpadalagan para sa duha ka slots, dapat nga mag-file sang ila candidacy sa Nomination Committee tubtob sa Setyembre 9. Sa convention sa Setyembre, ipaagi sa secret balloting ang binotohay kag ang mga family leaders lamang ang sarang nga makaboto.
Una na ginpahayag ni Atty. Distrito sa interview sang DYHB nga i-anunsiyo ni Mayor Benitez ang line up sang Team Asenso sa 2025, isa ka semana antes ang filling sang certificate of candidacy (COC) nga magasugod sa Oktubre 1.
