Bisan gani formula sa mathematics kabudlay na sauluhon, ano pa ayhan kun linibo ka mga numero na ang i-memorize mo.
Isa ka Indiano ang nakakuha sang world record matapos nga ginsaulo sini ang 14,000 ka digit nga pasunod sa sulod sang 49 minutos.
Si Deepu V ang halin sang Elementary pa lang ginadayaw na bangud sang iya pinasahi nga memorya pag-abot sa numbers.
Bata pa lang si V natun-an na sini mag-recite 2,000 digits sa sulod sang malip-ot nga tion.
Sa pag attempt sini nga sauluhon ang 14,000 digits, nagtutok gid sa pagsaulo sang Euler’s number si V sa sulod sang apat ka bulan kag diri iya nalapawan ang previous record nga 10,122 digits nga na memorize sang anay record holder.
Kilala nga mas kumplekado ang Euler’s number bangud naga-umpisa ini sa 2.71828 kag nagapadayon ang ini nga decimal numbers kag wala na nagasulit-sulit.
Isa ka sala nga decimal lang ukon masobra 15 segundos lang nga wala pa masaulo ang numero ang isa ka ground sang disqualification.
