Sang bata pa kita, madamo sa aton ang handum gid mangin isa ka doktor, apang na-imagine mo bala nga mag-perform sang isa ka aktwal nga surgery?
Gina-imbestigaran sa karon sang otoridad ang isa ka Austrian Neurosurgeon matapos ginaalegar gin-sugtan sini mag intra sa isa ka operasyon ang iya 13-anyos nga anak sa diin iya pa ini ginpa-drill sa skull sang isa ka pasyente.
January sini nga tuig, isa ka 33-anyos nga lalaki ang gindala sa ospital sa University Hospital Graz matapos ini maaksidente sa isa ka forest nga nagtuga sa iya sang head trauma.
Sang adlaw nga operahan na ini sang isa ka neurosurgeon, ginaalegar gin upod sang ini nga doktor ang iya nga anak kag gintudlu-an pa ini mag-drill sang bungo sang pasyente.
Swerte lang kay nangin madinalag-on ang operasyon kag naka-rekober ang pasyente.
Apang, temporaryo man nga na-suspend sa serbisyo ang neurosurgeon kag iban pa nga nag-assist diri samtang nagapadayon ang imbestigasyon.
