Narekober sang kapin P72.800 million nga balor sang ilegal nga druga ang Police Regional Office-6 sa sulod sang bulan sang Agosto.
Sa report sang PRO-6, naglab-ot sa 236 operation ang ginpatigayon sang kapulisan sa diin may yara sang 307 ka mga indibidwal ang naaresto kag kapin 10,707 grams sang suspected shabu ang na-recover kag 14 grams naman sang marijuana nagabalor sang P72.8 million.
Nahibaluan nga naglab-ot sa 115 ka mga suspetsado ang nadakpan gikan sa Negros Occidental Police Provincial Office (NOCCPO), sa diin 46 diri ang nagikan sa Bacolod City Police Office, samtang 54 ang nagikan sa Iloilo City Police Office, kag 42 ang narekord sang Iloilo Police Provincial Office, samtang ang Capiz Police Provincial Office ang may 12, kag ang Regional Police Drug Enforcement Unit 6 (RPDEU6) ang may 11, ang Antique, Aklan kag Guimaras Police Provincial Offices nga may tig siyam naman ka mga narekord nga naaresto.
Samtang, ginakabig sang PRO-6 nga isa ka dako nga accomplishment ang amo nga lihok bangud nagapakita lamang ini nga naganubo na ang numero sang mga tawo nga naga-engage sa ilegal nga druga sa rehiyon.