Ginlunsar sang Department of Social Welfare and Development (DSWD) “Walang Gutom 2027: Food Stamp Program” sa ciudad sang Bacolod sini nga adlaw, Setyembre 9, 2024.
Ang Walang Gutom Program ang isa ka national initiative nga ginmando sang Executive Order No. 44 sa diin ang mga benepisyaryo gikan sa low-income households ang maka-avail sang P3,000 nga balor sang food package tagsa ka bulan sa sulod sang tatlo ka tuig paagi sa Electronic Benefit Transfer (EBT) cards.
Ang food package ang ginalakipan sang 25 kg sang bugas, patatas, manok, talong, kalabasa, repolyo kag iban pa.
Tinutuyo sang sini nga programa nga mapahagan-hagan ang gutom kag mapasiguro ang food security sa mga low-income households. Sa launching sang programa kaina, 172 ka mga benepisyaryo ang nagtambong. Exempted naman sa sini nga programa ang mga 4Ps benefeciaries.
Nagtambong man sa launching sang programa sa lobby sang Bacolod City Government Center sanday Mayor Albee Benitez, Councilors Simple Distrito, Em Ang, kag Celia Flor, DSWD Undersecretary for Innovations and Concurrent national program Director of the Walang Gutom Program Eduardo M. Punay, DSWD Regional Director Field Office VI Atty. Carmelo N. Nochete, OIC Division Chief Promotive Services Division Judith Tanate Barredo, Division Chief, Innovations and Program Development Asuncion Santiago, kag iban pa nga mga representatives sang DSWD.
