Patay ang kapin 48 ka mga persona matapos nga naglupok ang fuel tanker nga nakabunggo sa truck sa pungsod Nigeria, suno sa emergency response agency.
Nahibaluan nga ang tanker ang nagadala man sang mga baka sa Agaie sa bahin sang North-Central Niger State, kun sa diin indi mag nubo sa 50 ang nasunog nga buhi nga baka.
Suno kay Abdullahi Baba-Arab, Director-General sang Niger State Emergency Management Agency nga padayon ang search and rescue operations sa lugar.
Samtang, ginhatagan sang mass burial ang mga nagtaliwan sa nagluntad nga insidente.
Ginpahayag naman ni Mohammed Bago, gobernador sang amo nga estado nga magpabilin nga kalmado ang residente nga apektado sa amo nga insidente kag mangin mainamdamon kag magsunod sa road traffic regulations agod masiguro ang kabuhi kag propedad.
