Ginkilala ang Bacolod City sa financial excellence sang 2023. Ang Bureau of Local Government Finance (BLGF) nagkilala sa Bacolod City bilang ikalima sa National Top-Performing Cities in Strengthening Local Government Finance for Fiscal Year 2023. Ini nga pagkilala nga ginhatag sang BLGF paagi sa Memorandum Circular 017-2024, nga gin-issue sang August 19, 2024, ang naga-highlight sa impressive nga 20.44% year-on-year growth sa Local Source Revenues nga gin-sumbit, quarterly. Ang Local Source Revenues ang ginabug-usan sang income nga gina-generate sang ciudad nga ginalakipan sang tax revenues gikan real property, businesses, kag iban pa nga local taxes. Lakip man diri ang non-tax receipts gikan sa fees and charges, government business operations, kag miscellaneous income. Ini ang pinakauna nga kahigayunan nga nakakuha ang Bacolod City sang kaangay nga pagkilala gikan sa BLGF. Ang Top 10 local government units (LGU) nga nalakip sa Top-Performing Cities in Strengthening Local Government Finance for Fiscal Year 2023 ang ginalakipan sang Quezon City (NCR) – 30.02% ; Makati City (NCR) – 26.02%; Pasay City (NCR) – 22.56%; Olongapo City (Region II) – 21.30%; Bacolod City (Region VI) – 20.44%; Mandaluyong City (NCR) – 19.80%; Parañaque City (NCR) – 17.41%; Caloocan City (NCR) – 17.09%; Las Piñas City (NCR) – 15.88% kag Cebu City (Region VII) – 15.26%.
