Nagtaliwan ang kapin 40 ka mga persona matapos nga nagpatigayon sang pagpang-atake ang Israel sa Southern Gaza sa bahin sang humanitarian zone, suno sa mga otoridad sang Hamas-run Civil Defence. Suno sa Israeli military, nagpang-atake ang ila nga aircraft sa operation center sang Khan Younis nga ginapanag-iyahan sang Hamas, kag naghimo ini sang mga tikang sa pagpahaganhagan sang risgo nga makahalit sa mga sibilyan. Ginpayahag sang mga lokal nga mga residente sa lugar, nga may nagluntad nga tatlo ka pagpang-atake nga nag-target sa mga ginatiniran sang mga nadulaan sang puluy-an sa humanitarian zone sang al-Mawasi, sa West nga bahin sang Khan Younis. Samtang, pilason man ang 60 ka mga persona sa amo nga insidente. Suno naman sa Israel Defense Forces (IDF) spokesperson, ang mga militar ang nagpang-atake sa mga Hamas terrorist nga naga-operate sa sulod sang isa ka command and control center nga nahamtang sa sulod sang Humanitarian Area sa Khan Younis.
