Gina-tingwaan sa karun sang National Bureau of Investigation- Bacolod City nga ma-file sini nga bulan sang Setyembre ang kaso batok sa stepfather ni Pearl Joy Galve nga si Rene John Nacis matapos nga gin-ako ang pagpang-molestiya sa biktima sadtong 12-anyos pa lamang ini. Base sa interview sang DYHB kay William De Arca, Executive Officer sang NBI- Bacolod City, nagatipon sa karun sang mabaskog nga ebedensiya kag testigo ang ila nga talatapan batok kay Nacis agod matigayon nga file ang kaso kag ini ang maserbehan sang warrant of arrest. Samtang, padayon man ang pagtutok sang NBI sa kaso nga pagpatay kay Galve matapos nga nagpangin-wala si Nacis nga ini ang may kahilabtanan sa amo nga krimen. Sa karun wala sang ideya ang NBI kun sa diin na si Nacis matapos nga siya ang wala na ginsafe-keep sang Bacolod City- Criminal Investigation and Detection Group (CIDG). Madumduman, sadtong Agosto 14, nasapwan nga wala na sang kabuhi si Galve sa Hacienda San Roque Barangay Cubay sa ciudad sang La Carlota, kag matapos kapin duha na ka semana matapos ang amo insidente nagpakita si Nacis.
