Narekord ang pinakamataas nga sulfur dioxide sang Bulkan Kanlaon subong nga adlaw, September 10, 2024. Ini sandig sa Kanlaon Volcano advisory sang Phillippine Institute of Volcanology and Seismology (PHIVOLCS) las-7 kagab-i. Suno sa PHIVOLCS, nag average sang 9,985 tonnes per day ang pagbuga sang bulkan kahapon nga adlaw. Ini na ang pinakamataas nga emission humalin nag-umpisa ang instrumental gas monitoring sa bulkan. Ginreport nga mapanimahuan ang asupre sa Barangay Ilijan ciudad sang Bago, Barangay Ara-al kag Barangay San Miguel ciudad sang La Carlota. Barangay Masulog, Barangay Linothangan kag Barangay Pula ciudad sang Canlaon. Nagapabilin sa gihapon nga yara sa Alert Level 2 ang bulkan apang ang pagtaas sang sulfur dioxide ang mahimo magdul-ong sa eruptive unrest kag pagtaas sang Alert Level. Hugot nga ginapanugyan sa publiko nga mangin handa kag mabinantayon, kag likawan ang pagsulod sa apat (4) ka kilometro nga radius nga Permanent Danger Zone (PDZ). Nakahanda naman sa karon nga mag responde ang mga awtoridad lakip ang mga LGU sang mga nasambit nga lugar sa tion kinahanglanon na ang pag-evacuate.
