Suspendido gihapon ang klase sa tanan nga lebel sa Banwa sang La Castellana kag apat ka mga barangay sa ciudad sang La Carlota subong nga adlaw, September 12, 2024.
Sandig sa Executive order No. 2024-033 nga ginpirmahan ni La Castellana Municipal Mayor Alme Rhummyla G. Nicor-Manguilimutan, suspendido ang klase sa tanan nga lebel sa pribado kag pambubliko nga buluthuan sa hurisdiksyon sang nasambit nga banwa.
Ang Executive order ang magapabilin nga epektibo tubtob wala sang pagmandu halin sa alkade.
Santo naman mando ni Mayor Rex Jalando-on sang La Carlota, magapabilin nga suspendido ang klase sa tanan nga lebel sa mga eskwelahan sa Brgy. Ara-al, Haguimit, San Miguel kag Yubo subong nga adlaw.
Ang pagsuspende sang klase ang angut sa abiso sang PHIVOLCS sa padayun nga pagtaas sang sulfur dioxide emission sang Bulkan Kanlaon.
