Sa pihak sang kapigaduhon, natinguhaan nga mapatapos sang mag-asawa nga sanday Annabell isa ka canteen helper kag Donn Aligarbes nga isa ka construction worker ang duha sini ka mga anak sa kolehiyo kag with flying honors pa!
Si Rhonn kag Rhonna Aligarbes ang nag gradwar nga Magna Cum Laude plus academic kag leadership awardee pa ang mga ini.
Suno ka Rhonn, nadumduman niya pa nga masami nagahibi ang iya ginikanan bangud bug-at na kaayo ang ila mga balayran sa eskwelahan.
Amo kun ngaa samtang naga-eskwela, nagtinguha pa ang mag utod nga mag-ubra agud ma sustentuhan ang iban pa nila nga pagkinahanglanon.
Dugang pa sini nga ila ginabalik ang ini nga kadalag-an sa Ginoo kag sa sakripisyo sang ila ginikanan.
Nakaangkon naman sa pagdayaw halin sa mga netizen ang mag-asawa bangud sa pagtinguha sang mga ini nga mapadako sang maayo kag mapatapos ang ila nga mga kabataan.
