Nag-evacuate na ang pila ka mga residente halin sa tatlo ka barangay halin sa ciudad sang Canlaon, Negros Oriental sang Setyembre 10, 2024.
Ang probinsya sang Negros Oriental kaupod ang Local Government Unit sang Canlaon City ang nagbulig sa mga residente sa ginpatigayon nga preventive evacuation antis pa man ang posible paglupok sang Bulkan Kanlaon.
Pila sa mga evacuaees amo ang 65 ka pamilya kag 204 ka indibidwal gikan sa Brgy Masulog, 10 ka pamilya kag 31 ka indibidwal gikan sa Brgy Malaiba, kag 3 ka pamilya kag 13 ka indibidwal gikan sa Brgy Pula.
Angut sa ginpatigayon nga preventive evacuation may yara na sang 6,800 ka mga prepositioned goods nga handa na nga ipanagtag sa mga evacuees.
Dugang pa nga may yara man 1600 ka hygiene kits, 100 ka kitchen kag sleeping kits, kag 900 ka food packs nga naka-standby sa tion kinahanglaon sang mga pumuluyo.
Ginasiguro naman ni Gov. Chaco Sagarbarria ang bulig sa mga evacuees kag nagapakig-angot ini sa DSWD Regional warehouse sa Dumaguete, sa diin 14,000 ka mga food packs ang naka-standby sa tion nga kinahanglan ang dugang nga mga suplay.
