Nakarekord liwat sang pinamataas nga sulfur dioxide emission sang Bulkan Kanlaon kahapon nga adlaw, September 11, 2024.
Ini sandig sa Kanlaon Volcano advisory sang Phillippine Institute of Volcanology and Seismology (PHIVOLCS) las-7 kagab-i.
Suno sa PHIVOLCS, nag average sang 11,556 tonnes per day ang pagbuga sang bulkan kahapon nga adlaw.
Nagapadayun ang hugot nga pagpanugyan sa publiko nga mangin handa kag mabinantayon kag likawan ang pagsulod sa apat (4) ka kilometro nga radius nga Permanent Danger Zone (PDZ).
Nagapabilin gihapon nga yara sa Alert Level 2 ang bulkan apang mahimo ang eruptive unrest kag magtaas sang Alert Level.
