Gin-endorso ni Global superstar Taylor Swift bilang masunod nga United States President si incumbent Vice President Kamala Harris sa palaabuton nga election.
Ginklaro man ni Swift nga peke kag gin-ubra lamang pinaagi sa Artificial Intelligence ang mga endorsement niya sa anay presidente kag Republican nominee Donald Trump.
Ginpahayag ni Swift, iya ginakahangawaan ang mga nagalapta nga AI bangod ini ang nagaresulta sang paglapta sang mga peke nga impormasyon.
Ginpili sang global superstar si Harris bangod sa ginapakita sini nga pagpakigbato sa insakto nga kawsa kag programa.
Dugang pa niya, iya pagabotohun si Harris bangod sa iya nga pagpati nga isa ka steady-handed, gifted leader, kag may kapabilid ini nga mas mapasanyog ang pungsod sa iya pagpamuno.
