Nakit-an na ang 14 anyos nga lalaki nga nalumos sa Campomanes Bay, Brgy. Maricalum ciudad sang Sipalay tinalikdan nga Domingo, Setyembre 15, 2024. Ginkilala ang biktima nga si Gilbert Deraco kag residente sang Purok Mabinuligon, Brgy. Maricalum, sa nasambit nga ciudad.
Madumduman nga si Deraco ang isa sa mga kaupdanan sang tatlo ka menor de edad nga nalumos sa nasambit nga lugar. Ang tatlo ang nga rescue ka mga awtoridad apang si Deraco ang gin-report nga missing.
Suno kay Dionilo Bogtae, Operations Officer sang Sipalay CDRRMO nakita ang biktima nga nagakulob kag nagalutaw-lutaw sang isa ka crew sang tugboat nga yara lang malapit sa lugar las 7:45 kagab-i. Setyembre 17, 2024. Yara na karon sa puneraria ang bangkay sang biktima kag napahibalo naman sini ang iya ginikanan.
