Ginpa-priso ang sa ka Chinese nga lalaki matapos sini personal nga gingastuhan ang pagpatukod sang isa ka taytay para kun tani magamit kag maagyan sang mga residente sa lugar
Halin pa sang 2005, adlaw-adlaw nga nagapangatubang sang pagpanghangkat sa pag-travel ang mga pumuluyo sa Jilin Province bangud nga kinahanglan pa nila magsakay sa barko agud makatabok.
Kun pilion man sang mga residente nga mag gamit sang taytay, kinahangalan pa nila maglakat ukon biyahe sang 70 km para makatabok sa pinakalapit nga baybay.
Apang ini tanan ang nagbag-o bangud kay Huang Deyi.
Siya ang una naga-operate sang barko para sa mga villagers apang sang ulihi nagdisider nga magpa-ubra sang gamay nga taytay para sa mga ini bangud wala man sila sang may nakita nga pag-aksyon halin sa gobyerno.
Bangud sang ginpakita nga kaayuhan ni Deyi, ginpasalamatan kag ginpalangga ini sang mga tawo sa lugar.
Agud ipakita ang ila pagpasalamat, nagdisider ang mga ini nga magbayad sang gamay nga toll kay Deyi, tuman ka gamay nga kantidad kun ipa anggid sa ila gastuhon para makalab-ot sa pihak nga taytay nga 70km pa ang kalayuon.
Upod ang 17 ka iban pa nga mga villagers, nag-welding ang nga ini sang 13 ka metal boats agud mas masuportahan sini ang bug-at nga mga salakyan.
Apang ini tanan ang naglain matapos nga ginbisita sang Taonan Water Affairs Authority ang taytay kag nag mando nga ipaguba ini bangud nga wala ini nag-agi sa ila pagpahanugot kag mga alegasyon nga ginakwartahan pamilya Huang ang mga tawo.
Magluwas sini, gin-detain pa si Deyi kag pamilya sini bangud sang pila ka mga ginaalegar krimen nga ginbuhat sini kabahin na ang pagkolekta sang kapin 44,000 yuan ukon kapin P345,000.
Bangud sini, ginsentensyahan sang duha ka tuig nga pagka-preso kag dugang nga 2-year probation si Deyi.
Nag-appeal man sa korte si Huang Deyi kag nagpahayag nga indi bangud nga wala ini maaprubahan sang otoridad indi man ini lubos nga kinahanglan sang kadam-an.
Una na nga gin-deny ang appeal apang sa ikaduha ka beses nga pagdangup sang akusado sa korte, liwat na ini nga gintun-an kag gina usisa.
