Mayor Albee Benitez nagapanguna sa pagka-Congressman samtang Cong. Greg nagapanguna man nga alkalde kag bise-alkalde sa Pulso 2025 sang DYHB sa Brgy. Mansilingan kag Pahanocoy
Nagpanguna si Mayor Albee Benitez sa pagka-Congressman kag sa pagka-alkalde kag bise-alkalde naman si Congressman Greg Gasataya sa resulta sang Pulso 2025 sa Barangay Mansilingan kag Pahanocoy.
Kahapon sa Straight to the Point 2 program sang DYHB, ginpatigayon ang eskotinyo sang survey para sa duha ka mga barangay. Diri naguwa nga sa pagka-Congressman sa Bacolod, nagpanguna si Benitez sa duha ka mga Barangay sa diin nakakuha ini sang 38.57% votes sa Barangay Mansilingan kag 43.33% votes naman sa Barangay Pahanocoy.
Sa pagka-alkalde naman, nagpanguna sa duha ka mga barangay si Congressman Gasataya, sa diin nakakuha ini sang 38.57% votes sa Barangay Mansilingan kag 46.67% sa Barangay Pahanocoy. Sa pagka bise-alkalde, liwat nga nagpanguna ang pangalan ni Congressman Gasataya sa voting rate nga 52.86% kag 40% sa duha ka Barangay.
Sa pagka-konsehal naman, pila sa mga masami mapilian nga pangalan halin sa duha ka mga Barangay amo sanday Thaddy Sayson, Kalaw Puentebella, Jason Villarosa, Celia Flor, Jun Gamboa, Israel Salanga, Caesar Distrito, Pao Sy, Em Ang, Vladimir Gonzalez, Bobby Rojas, Dindo Ramos kag Sonya Verdeflor.
Madumduman nga una na gin-eskotinyo ang mga napilian sang mga taga-Barangay Singcang kag Bata.
