Naglab-ot na sa 359 ka mga farmers ang apektado sang Southwest Monsoon ukon habagat kag sang Tropical Storm Ferdie kag Gener.
Ini sandig sa Agriculture Office progress report sang Sipalay City as of 6pm, September 18, 2024. Base sa rekord, 13 ka mga barangay ang apektado nga ginkabug-usan sang 334.5 ka ektarya.
Ginabulubanta yara sa 562. 92 metric tons sang pananom ang naapektuhan nga ginabulubanta naga balor sang P12, 084, 400.29. Ini ang partial report sang Agriculture office sang nasambit nga ciudad kag padayun sa gihapon ang ila monitoring natuhoy sa nangin halit tuga sang malain nga panahon.
