Hungod nga ginapasuksok sang isa ka amay sa Pakistan ang anak sini sang surveillance Camera agud masiguro nga yara sa maayo nga kahimtangan ang bata sini.
Indi hair crown ukon cute nga head piece ang yara sa ulo sang isa ka dalagita sa Pakistan kundi, camera!
Bangud sa tuman nga pagpalangga sang amay sa iya sini anak, luyag sini nga monitoron ukon bantayan ang aktibidad sang iya bata labi na kun wala ini sa iya nga tupad.
Nag-viral ang sa social media ang interview sa dalagita sa diin gintawag ini sang iban nga
‘Next Level Security.’
Sang ginpamangkot ini kun ano ang yara sa iya nga ulo, sabat sang babayi nga ideya sang iya amay nga ibutang ini bilang accessory sa iya ulo.
Bilang masinulundon nga anak, wala man ini nagkumod ukon nagreklamo pa sa iya ginikanan.
Dugang pa sini nga nag-umpisa lang ang pagpasuksok sa iya sang camera sang may inisidente nga natabo sa isa ka dalaga sa Karachi, Pakistan.
Natukiban nga lapnagon ang violence sa mga kababainhan sa lugar.
