Nagpanguna ang pangalan ni Congressman Greg Gasataya sa pagka-Mayor kag Vice Mayor sang Bacolod sa 2025 sa Barangay Villamonte kag Barangay Alangilan sa nagapadayon nga eskotinyo sang Pulso 2025 sang DYHB.
May yara sang 75 respondents sa Barangay Villamonte kag 30 naman sa Barangay Alangilan.
Sa pagka-Congressman, nagpanguna si Vice Mayor El Cid Familiaran sa Barangay Villamonte sa voting rate nga 33.33%. Samtang, si Mayor Albee Benitez naman ang nanguna sa Barangay Alangilan nga nakakuha sang 56.67% votes.
Sa pihak nga bahin, nakuha ni Gasataya ang voting rate nga 40% sa posisyon sang pagka-Mayor sa Barangay Villamonte kag 43.33% naman sa Barangay Alangilan.
Sa pagka Vice Mayor, liwat nga nanguna si Gasataya sa diin nakakuha ini sang 64% nga boto sa Villamonte kag 56.67% sa Alangilan.
Sa pagka konsehal naman, pila sa mga nagpanguna nga mga pangalan sa duha ka mga Barangay amo sanday Thaddy Sayson, Pao Sy, Jason Villarosa, Kalaw Puentebella, Celia Flor, Israel Salanga, Em Ang, Vladi Gonzalez, Homer Bais, Caesar Distrito, Al Victor Espino, Dindo Ramos, Jun Gamboa, Archie Baribar, Sonya Verdeflor kag Bobby Rojas.
Una na naton gin-eskotinyo ang Barangay Singcang, Bata, Mansilingan, Pahanocoy, Barangay Taculing, Vista Alegre Barangay Estefania, Felisa, Handumanan kag Barangays 1-10.
