Nagpasa sang letter of intent ang mga lideres sang KNETCO, BACOD kag UNDOC, lunsay mga katapo sang traditional jeepney drivers and operators sa ciudad sang Bacolod.
Sa interview sang DYHB kay KNETCO President Lilian Sembrano iya ginpayahag nga ang nasambit nga letter nga ila ginpasa sa Local Government Unit ang may kaangtanan sa ginpromisa ni Bacolod City Mayor Albee Benitez.
Suno kay Sembrano nga lakip sa nasambit nga letter amo ang tuyo sang grupo nga ma renew ang ila sini prangkisa, rehistro kag business permit.
Ginpahayag man sini nga wala nila gindayun ang plano nga transport strike bangud sa ila concern sa pag-eswekla sang mga estudyante nga nangin kanselado tinalikdan nga semana bangud sang malain nga tiempo.
Dugang pa sang KNETCO President nga magapadayun sa gihapon ang ila pag-protesta sa ila padayun nga panawagan nga ibalik ang lima nila ka tuig nga prangkisa kag paghanugot sang modernization nga indibidwal.
Nagapanugyan naman si Sembrano nga may mas madaku nga rally protesta ang mga ini bwas nga adlaw Setyembre 23, 2024 nga iga-deklarar sang gurpo sa ila patigayunon nga presscon.
