Nagpanguna ang pangalan nanday Vice Mayor El Cid Familiaran kag Congressman Greg Gasataya sa posisyon sang pagka-alkalde sa duha ka barangay nga gin-eskotinyo sa nagapadayon nga Pulso 2025 sang DYHB.
Sa Barangay Alijis may yara sang kapin 80 ka respondents kag 30 naman sa Barangay Montevista.
Nagpanguna sa pagka-Mayor sa Barangay Alijis si Familiaran sa diin nakakuha ini sang 45% nga votes, samtang, nagpanguna naman sa pagka-alkalde sa Barangay Montevista si Congressman Gasataya nga may 50% voting rate.
Sa pihak nga bahin, nakuha ni Benitez ang voting rate nga 50% sa posisyon sang pagk-Congressman sa Barangay Alijis, samtang nagpanguna naman si Familiaran sa pagka-Congressman sa Brgy. Montevista 36.67%.
Sa pagka Vice Mayor, nanguna sa duha ka mga barangay si Gasataya sa diin nakakuha ini sang 37.50% nga boto sa Alijis kag 43.33% sa Barangay Montevista.
Sa pagka konsehal naman, pila sa mga nagpanguna nga mga pangalan sa duha ka mga Barangay amo sanday Jason Villarosa, Celia Flor, Israel Salanga, Thaddy Sayson, Pao Sy, Homer Bais, Kalaw Puentevella, Em Ang, Vladi Gonzalez, Caesar Distrito, Dindo Ramos, Jun Gamboa kag Sonya Verdeflor.
Una na gin-eskotinyo ang Barangay Singcang, Bata, Mansilingan, Pahanocoy, Barangay Taculing, Vista Alegre Barangay Estefania, Felisa, Handumanan, Barangays 1-10, Barangay Alangilan, Villamonte, Tangub kag Barangays 11-20.
