Basta makabati gani kita sang ginatawag nga “lava,” grabe na ang aton kakugmat, bisan sa pag-imagine pa lang sang nagabaga nga mga gintunaw nga bato halin sa bulkan, indi ka mag overthink ayhan?
Isa sa mga indi malikawan nga hitabo amo ang paglupok sang isa ka bulkan, ilabi na kun “active volcano” ini.
Indi na makakas sa pinsar sang mga nagapuyo malapit sa isa ka bulkan ang posibilidad sa pagluntad sang volcanic earthquakes, volcanic erruption, lahar flow kag mas lala kun magka lava flow pa.
Apang na-imagine mo na bala ang duag blue nga lava?
Ang Kawah Ijen sa East Indonesia ang isa sa mga ginakabig active volcano apang ginakahangaan man sa pinasahi nga kolor sang ginabuga sini nga lava.
“A fascinating natural phenomenon,” kun tawgon pa sang kadam-an.
Apang paano bala ini nangin blue?
Ini ang indi isa ka aktwal nga lava, kundi, ini ang chemical reaction sang nagakasunog nga sulfuric gasses.
Kun ang ini nga mga gas ang matandog sang hangin, gilayon ini nga nagabaga kag nagaproduser sang blue flames.
Ang blue lava ang visible lang kada gab-i
Nangin popular nga atraksyon na sa mga turista ang blue flames sa diin naga-hike pa ang mga ini sa crater sang bulkan kun gab-i agud makita ini sang malapitan.
