WORLD NEWS- Possible magaresulta sa pagbiya sang kapin minilyon ka mga indibidwal sa tunga sang nagaluntad nga kinagamo sa pungsod Israel kag Lebanon.
Suno kay Prime Minister Najib Mikati sang Lebanon, padayon ang pagpatigayon sang Israel sang air strike, kag iya ginkabig nga amo ini ang pinakadako nga numero nga nagbiya sa lugar.
Base sa rekord sang health ministry, masobra 50 ka mga persona ang nagtaliwan sa pagpang-atake sadtong Domingo, Setyembre 29, duha ka adlaw matapos ang pag-asasinar sang Israel sa lider sang Hezbollah nga Hassan Nasrallah sa Beirut.
Ginkompirmar man sang Hezbollah, nagtaliwan man ang top military commander nga si Ali Karaki kag Senior Cleric Sheikh Nabil Qaouk.
Nahibaluan may isa na man ka panibag-o nga pagpang-atake ang ginpatigayon sang Israel sa central Beirut kun sa diin nagresulta sa kamatayon sang tatlo ka mga miyembro sang Popular Front for the Liberation of Palestine.
