Nangin pinakauna kag nagaisahanon nga nag-file sang iya certificate of candidacy (COC) si former mayor Bing Leonardia sa pagka-congressman sa Bacolod City para sa 2025 Local Elections kahapon, Oktubre 1, 2024.
Ini siya ang gin-updan sang iya asawa nga si Elsa kag bata nga si Kara kaupod man sang iya legal counsel Atty. Jireh Alimon.
Si Leonardia ang nagpungko man sadtu bilang lone district representative sa Bacolod 2013-2016.
Si Leonardia ang wala sang line up sa mas manubo nga mga posisyon kaangay sang alkalde, bise alkalde kag mga konsehal. Samtang nagaplano liwat ang anay-seaman nga si Romy Gustilo sang Barangay Mansilingan nga magpadalagan sa pagka-Congressman sa Bacolod City
Si Gustilo ang nagpadulong sa ABC Hall kahapon sang aga para ipa-check ang iya certificate of candidacy.
Si Gustilo ang nagpadalagan man nagligad nga eleksyon sa pareho nga posisyon sa diin nakakuha ini sang 747 votes. Ang peace and order kag kampanya batok sa illegal nga droga ang tutukan ni Gustilo kon siya ang mapili-an bilang congressman.
