Nagpamalibad si Governor Eugenio Jose Lacson sa paghatag sang komento angot sa pag-resign sang pila nila ka mga kaupod sa Nationalist People’s Coalition.
Suno sa gobernador, desisyon ina sang ila mga kapartido kag may yara man sila sang rason nga ginhatag kun ngaa nagbiya sila sa NPC.
Ginpasiguro naman ni Lacson nga magapaguwa ini sang statement kun magtakop na ang filing sang certificate of candidacy.
Nahibaluan nga sang damlag lang, nagbiya na sa NPC sanday Bago City Mayor Nicholas Yulo kag Vice-Mayor Ramon Torres bangud sang pagtib-ong sang partido sang kandidato sa pagka-kongresista sa Fourth District.
Paathag ni Mayor Yulo, may alyansa sila ni Vice-Governor Jeffrey Ferrer, nga may intensyon man nga magpadalagan sa pagka-congressman.
Sa sini, si Yulo ang nag-file sang iya COC sa pagka-board member sa idalom sang National Unity Party kun sa diin myembro man si Ferrer.
