WORLD NEWS- Patay ang kapin 20 ka mga kabataan kag tatlo ka mga manunudlo nga sakay sa school bus matapos nga ini ang nangin imbolbado sa aksidente kag ini ang ginlamon sang kalayo sa bahin sang Zeer Rangsit sa pungsod Thailand.
Ang school bus sang Wat Khao Phraya Sangkharam School ang padulong kuntani sa ila nga eskwelahan matapos ang ginpatigayon nga field trip, apang hinali lang naglupok ang isa goma sang bus nga nagresulta sang pagbunggo sini sa isa ka barrier nga nahamtang sa dalan.
Gilayon naman ang ginlaom sang kalayo ang bus nga nagresulta sa kamatayon sang kapin 23 ka mga indibidwal.
Nahibaluan nga yara sa tatlo tubtob 15 anyos ang pang-edaron sang mga kabataan nga nagtaliwan.
Luwas naman sa katalagman ang 19 ka mga estudyante kag tatlo ka mga manunudlo nga sakay man sang amo nga bus sang nagluntad ang insidente.
Suno kay Thailand’s Deputy Prime Minister Anutin Charnvirakul, padayon ang imbestigasyon sang otoridad sa nagluntad nga insidente kaangay sang kadasigon sang pagmaneho sang driver, gintunaan sang kalayo, kag pag-tsekyar sang CCTV footage.
