Mayor Albee personal nga magapili sang magakumpleto sang iya line up sa pagka-konsehal matapos iya gin-nullify ang resulta sang convention

Gin-nullify ni Bacolod City Mayor Albee Benitez ang resulta sang Asenso Convention nga ginpatigayon tinalikdan nga Setyembre 15, 2024.

Ini bangud madamo sa mga Punong Barangay ang wala nagsunod sa iya direktiba nga mag-exercise sang neutrality sa pagpili sang duha ka slot para sa City Councilors nga maga-kumpleto sang slate sang Team Asenso.

Suno sa alkalde nga personal niya nga pilion ang duha ka kandidato nga magahalin sa anum ka mga nominado, ukon sa guwa sang mga nominado.

Mangin talaksan sa pagpili sang duha ka nabilin nga mga slot amo ang winnability, loyalty sa partido, kag ang ikasarang sa paghimo sang trabaho sing maayo.

Personal nga pangalanan ni Benitez ang iya mga napililian sa tion nga i-anunsyo sini ang final slate sang Team Asenso Bacolod.