Nagdangat sa 525 ka mga wanted persons ang naaresto sang Police Regional Office 6 sa kabug-usan nga bulan sang Setyembre 2024.
Ini ang resulta sang 517 ka mga operasyon sa bug-os nga Western Visayas. Sa kabug-usan, 113 sa mga naaresto amo ang mga Most Wanted Persons (MWPs) kag 412 naman ang Other Wanted Persons (OWPs).
Sa bahin sang mga MWPs, nagpanguna ang Negros Occidental Police Provincial Office (NOCPPO) sa may pinakamadamo nga naaresto nga nagadangat sa 27. Ginasundan ini sang Iloilo Police Provincial Office (IPPO) kag Antique Police Provincial Office (AntPPO) nga may pareho nga may tag-22; Capiz Police Provincial Office (CPPO) – 15; Iloilo City Police Office (ICPO) – 10; Aklan Police Provincial Office (AkPPO) made 7 arrests; Bacolod City Police Office (BCPO) – 6; • Criminal Investigation and Detection Group, Regional Field Unit 6 (CIDG-RFU 6)-3 kag isa naman ang sa Regional Mobile Force Battalion 6 (RMFB6).
Sa bahin naman sang OWPs, nagpanguna sa gihapon ang NOCPPO nga may 167 ka mga naaresto kag ginnasundan sang IPPO – 70. Ang ICPO – 42; AkPPO with 34; AntPPO – 31; CPPO – 28; BCPO – 21; Guimaras PPO – 10; RMFB6 – 8 kag isa naman ang CIDG-RFU6.
