Natigayon nga mapatay sang Hezbollah ang walo ka mga militar sang Israel sa Sur nga bahin sang Lebanon sa tunga sang nagapadayon nga kinagamo.
Ang Hezbollah ang ginbuligan sang Iran kun sa diin natigayon nga naguba ang tangke sang Israel sa tion sang inaway kag nag-insister nga may yara sila sang bastante nga mga tinawo kag mga bala sa pagduso sang pwersa.
Gin-anunsyo sang militar sang Israel nga mas madamo nga infantry kag armored troops ang nagbuylog sa ila nga operasyon nga nagatinguha nga gub-on ang ginatawag nga “terrorist infrastructure” sa mga border villages sa Lebanon.
Samtang, indi magnubo sa lima ka tawo ang napatay kag walo ang napilasan sa isa ka Israeli military air strike sa Bachoura area sa central Beirut suno sa mga opisyal sang Lebanon.
Ini ang una nga pagsalakay sang Israel nga malapit sa sentro sang Beirut.
