Nagdangat na sa 27 ang mga nag-file sang certificate of candidacy para sa pagka-mayor sa Negros Occidental sa 2025 elections.
Ini ang ginalakipan nanday Nehemiah de la Cruz sa Salvador Benedicto; Risa Barello – EB Magalona; incumbent Mayor Joedith Gallego – Silay City; Atty. Rowena ‘Weng’ Lizares – Talisay City; Ramon ‘Monet’ Torres – Bago City; Ramil Carpio – Binalbagan kag incumbent Mayor Daph Reliquias sa Hinoba-an.
Nag-file man sang COC sanday John Paul Avarez sa Ilog kag duha na sa Kabankalan City nga sanday Eliezer Duron kag Isidro ‘Pidio’ Zayco. Liwat man magapapili si Mayor Gina Lizares sa Sipalay City kag Mayor Gerardo ‘Gerry’ Rojas kontra kay anay SB Member Ruel Villarosa kag Kapitan Alan Martinez sa banwa sang Murcia.
Nag-file man si Jose Luis Jalandoni sa La Carlota City; Richard Jaojoco – Toboso; Jury Nabaja – Cauayan kag Leo Rafael ‘Bebo’ Cueva -Sagay City; Mikaela Escalante – Manapla kag Ray Ruiz sa banwa sang Candoni.
May tatlo naman nga nag-file na sa banwa sang Hinigaran nga ginalakipan nanday Mary Grace Arceo, Teresita Gabrido kag Ramonito Barcoma.
Liwat naman magapapili sanday Mayor Salvador ‘Bading’ Escalante, Jr. – Cadiz City; Ella Celestina Garcia-Yulo – Moises Padilla; Marilyn Era – Calatrava kag Melecio ‘Beboy’ Yap sa Escalante City.
