Maga-atubangay sa pagka-mayor sa ciudad sang Bacolod sa 2025 si Congressman Greg Gasataya kag Vice Mayor El Cid Familiaran. Ini matapos nga nag-file na sang ila certificate of candidacy ang duha upod man sa ila mga slate kahapon.
Si Gasataya nga manugtapos na ang termino ang nag-switch kay Mayor Albee Benitez nga nagpadalagan congressman. Samtang si Familiaran ang manugtapos naman ang termino bilang bise-alkalde. Upod man sang duha nga nag-file sang COC kahapon ang ila mga running mates nga sanday Councilor Kalaw Puentevella nga magapadalagan bise-alkalde ni Gasataya kag Councilor Renecito Novero naman kay Familiaran.
Magapapili naman bilang mga konsehal sa idalom ni Gasataya ang mga incumbent Councilors nga sanday Thaddy Sayson, Vladi Gonzalez, Em Ang, Celia Flor, Pao Sy, Israel Salanga, Jason Villarosa kag Al Victor Espino.
Lakip pa diri ang apat ka mga returnees nga sanday Atty. Caesar Distrito, Bobby Rojas, Homer Bais kag Dindo Ramos.
Samtang upod naman sa line up sa pagka-konsehal ni Familiaran sanday Kapitan Teodoro Yulo sang Barangay 34, Kagawad Bboy Yap sang Barangay 33, Kapitan Lindy De Leon sang Barangay Vista Alegre.
Subong man sanday anay councilors Jun Gamboa, Archie Baribar kag Ana Marie Palermo, Christian Weber kag Ken Paolo Gilo.
