Nagasalig si La Castellana Mayor Rhummyla “Mhai-Mhai” Nicor Manguilimutan sa ikasarang sang iya manghod nga si Incumbent Sangguniang Bayan Member Añejo Nicor nga magapapili bilang alkalde sang banwa.
Sa mensahe ni Mayor “Mhai-Mhai” iya ginpahayag nga nakita niya ang pagpadayun kag pagpangabudlay sang iya manghod agud makabulig sa mga pumuluyo sa sulod sang anum ka tuig nga nagserbe ini bilang SB Member.
Suno sa alkalde nga updanay ukon “buddy” sila ni SB Añejo kag mapisan nga public servant ini nga nagatinguha para makahatag sang iya suporta sa mga programa sang banwa.
Dugang pa ni Mayor “Mhai-Mhai” nga saludo ini sa dedikasyon ni Añejo nga nangin visible kag “always on the go” sa mga proyekto kag mga programa nga ginapatigayon sang administrasyon.
