Masami naton nga nagakabatian sa mga job interviews nga hatagan lang ang mga applicants sang update sa sulod sang duha ukon isa ka semana kun mabaton sila sa kumpanya ukon indi.
Isa ka job hunter sang dekada sitenta ang nakabaton sang reply halin sa iya gin-applyan nga trabaho sadto.
Masiling mo pa bala nga better late than never kun 48 ka tuig na ang makaligad?
Sang 1976, nag apply bilang motorcycle stunt rider ang 70 anyos karon nga si Tizi Hodson.
Kaangay nga nagatanga sa hangin si Tizi sa sulod sang pila ka tuig matapos mahibaluan nga na-stuck gali sa likod sang drawer sang post office ang reply sang employer.
Suno kay Tizi, nasabat na ang iya malawig nga palamangkutanon, sa kun ngaa wala gid nag-abot sa iya ang nasambit nga break.
Nagaduda man ini kun paano nakaabot sa iya sulat bangud makapila ka beses na ini nagsaylo balay.
