Halos puno na ang mga kiosko sa mga festival sites para sa pagsaulog sang Masskara Festival 2024. Gin-anunsyo sang Bacolod Yuhum Foundation (BYF) nga 359 sa 402 ka mga kiosko sa apat ka Festival Sites ang na-reserve na sa pag-antisipar sang selebrasyon sini nga tuig.
Ginpahayag ni BYF Secretary kag Festival Director for Cultural and Accredited Events nga si Kuster Cadagat nga 100 sa 143 ka mga kiosko ang nabaligya na sa Lacson Street, samtang ang yara sa Bacolod City Government Center ang 100 ka kiosko, 55 sa MegaWorld kag 104 sa Bacolod Ang Public Plaza nga gin-book antis pa man ang opisyal nga pag-anunsyu sang ciudad.
Ginhatagan man importansya ni Cadagat ang direktiba ni Mayor Albee Benitez, pinaagi kay Councilor Celia Matea Flor, Chairperson sang Committee on Markets, agud masiguro ang “equal opportunity” para sa tanan nga vendors, concessionaires kag corporate sponsors nga magapartisipar sa tuigan nga selebrasyon.
Dugang pa ni Cadagat nga ang BYF komitido sa pagtratar sang tanan nga mga partisipante sing patas, dalagku man ukon magagmay. Opisyal nga magabukas ang mga kiosko sa BCGC Sini nga Oktubre 11, samtang ang mga yara sa Public Plaza ang magasugod sang ila operasyon sa Oktubre 12, 2024.
