Kun malawig kana nagtinir sa lain nga pungsod agud magtrabaho, indi ka pa bala ma-excite kun makapuli kana balik sa Pilipinas agud makita ang imo mga palangga sa kabuhi?
Indi kalipay ang nadangtan sang isa ka OFW nga pasahero sang Philippine Airlines tinalikdan nga Huwebes, October 10 kundi, isa ka bangungot
Gin-atake sa korason ang isa ka taga Iloilo nga pasahero sang Philippine Airlines apang, maayo lang bangud kasakay sini ang Dingle, Iloilo Vice Mayor kag Doctor nga si Dr. Quindalem Villanueva.
Ginaalbar sini ang kabuhi sang kaangay niya nga pasahero nga sakay sang flight PR2145 halin sa Manila padulong sa Ilollo.
Ginpahayag sang airlines nga dalayawon ang ginpakita nga serbisyo sang doktor sa pagbulig sa mga nagakinahanglan.
Bilang pagpasalamat, ginhatagan sang PAL si Dr. Villanueva sang 2,000 bonus miles sa iya nga Mabuhay Miles account.
Una na nga ginpakigbahin ni Dr. Villanueva nga nagahana na sila nga mag-board sa las-5:20 sa hapon nga flight sang gin-atake ang isa ka lalaki nga residente sang Janiuay kag nagikan sa Estados Unidos.
Sa video nga gin-post sang doctor, makita nga gina-CPR niya ang isa ka pasahero amo kun ngaa nakaginhawa ang pasahero pagkatapos sang halos lima ka minutos.
Pila ka mga netizen man ang nagpalab-ot sang pagdayaw sa doktor bangud sang ginpakita sini nga “Heroism”
