Opisyal na nga nag-umpisa ang nagkalain-lain nga sports events sang ika-44 nga Season sang Negros Occidental Private Schools Sports Cultural Educational Association (NOPSSCEA), Domingo, Oktubre 13,
Base sa pahayag ni Jethier Rom C. Escobar, Public Liaison Officer sang NOPSSCEA, ginalakipan sang 55 ka mga miyembro nga buluthuan ang amo nga assosasiyon.
May 15 tanan ka mga sports events ang balantayan nga igapatigayon sini nga NOPSSCEA kag ini ang Athletics, Badminton, Basketball, Basketball 3×3, Billiards, Beach Volleyball, Chess, Football, Futsal, Gymnastics, Karatedo, Swimming, Table Tennis, Taekwondo, kag Volleyball.
Ang amo nga aktibidad ang preparasyon na para sa patigayonun nga Bacolod Division Meet sa Enero 2025 kag sa palaabuton nga Palarong Pambansa. Dugang pa ni Escobar, magatakop ang NOPSSCEA sa bulan sang Nobyembre sini nga tuig.
