Patay ang kapin 21 ka mga persona sa ginpatigayon nga air strike sang Israel sa norte nga bahin sang pungsod Lebanon.
Ang amo nga pagpang-atake ang nag-igo sa residential building sa Aituo, isa ka Christian Village nga nahamtang malayo sa lugar sang mga militar sang Israel.
Nagsaad naman si Israeli Prime Minister Benjamin Netanyahu nga magapadayon ang ila nga pagpang-atake sa Hezbollah bisan diin man nga bahin sa Lebanon, lakip na ang Beirut.
Dugang ni Netanyahu nga ang tanan nga operasyon ang may konsiderasyon kag ila na ini napamatud-an kag ipamatud-an sa masunod pa nga inadlaw.
